Advertisement
అలై పొంగెరా కన్నా
మానసమలై పొంగెరా
ఆనంద మోహన వేణుగానమున
ఆలాపనే కన్నా
మానసమలై పొంగెరా
నీ నవరస మోహన వేణుగానమది
అలై పొంగెరా కన్నా ఆ ఆ ఆ
Advertisement
నిలబడి వింటూనే చిత్తరువైనాను
నిలబడి వింటూనే చిత్తరువైనాను
కాలమాగినది రా దొర
ప్రాయమున యమున మురళీధర
యవ్వనమలై పొంగెరా కన్నా ఆ
కనుల వెన్నెల పట్టపగల్ పాల్చిలుకగా
కలువ రేకుల మంచు ముత్యాలు వెలిగే
కన్నె మోమున కనుబొమ్మలటు పొంగె
కాదిలి వేణుగానం కానడ పలికే
కాదిలి వేణుగానం కానడ పలికే
కన్నె వయసు కళలొలికే వేళలో
కన్నె సొగసు ఒక విధమై ఒరిగెలే
అనంతమనాది వసంత పదాల
సరాగసరాల స్వరానివా
నిశాంత మహీజ శకుంతమరంద
మెడారి గళాన వర్షించవా
ఒక సుగంధ వనాన సుఖాల క్షణాన
వరించి కౌగిళ్ళు బిగించవా
సుగంధ వనాన సుఖాల క్షణాన
వరించి కౌగిళ్ళు బిగించవా
కడలికి అలలకు కధకళి కళలిడు
శశికిరణమువలె చలించవా
చిగురు సొగసులను తలిరుటాకులకు
రవికిరణాలే రచించవా
కవిత మదిని రగిలే ఆవేదనో
ఇతర భామలకు లేని వేదనో
కవిత మదిని రగిలే ఆవేదనో
ఇతర భామలకు లేని వేదనో
ఇది తగులో ఎద తగవో
ఇది ధర్మం ఔనో
ఇది తగులో ఎద తగవో
ఇది ధర్మం ఔనో
కొసరి ఊదు వేణువున
వలపులే చిలుకు
మధుర గాయమిది గేయము పలుకగా
అలై పొంగెరా కన్నా
మానసమలై పొంగెరా
నీ ఆనంద మోహన వేణుగానమున
ఆలాపనే కన్నా కన్నా ఆ ఆ ఆ
Cast & Crew